Ամենամսյա «Ամսիկներ» ստուգատեսի կազմակերպման նպատակը «Իմացումի հրճվանք» ծրագրի կրտսերների գործունեության արդյունքների ներկայացումն է:
Ամսիկները կազմակերպվում են յուրաքանչյուր ամսվա հինգշաբթի օրերին: Յուրաքանչյուր հինգշաբթի 5-6 տարեկանների ուսուցման մեկամյա խմբերը ներկայանում են որևէ ոլորտի գործունեության ամփոփում-ստուգատեսով:
«Ամսիկներ» ստուգատես
«Իմացումի հրճվանք» ծրագրի կրտսերների «Սեպտեմբերիկ» ստուգատես
Մասնակիցներ՝ Արևմտյան դպրոցի 5 տարեկաններ
Պատասխանատուներ՝ Անի Գրիգորյան, Ալլա Անդրեասյան
Օրը՝ սեպտեմբերի 15
Սկիզբը՝ 11:00
Վայրը՝ Արևմտյան դպրոց-պարտեզ
Ուրախ նախավարժանք
Գլուխկոնծիների շքերթ
Խաղ 1. Գնդակի փոխանցում
Խաղահրապարակում շարքերի դիմաց դրված են օղակներ: Սովորողը, ձեռքերում գնդակ բռնած , երկու ոտքերով թռնելով մի օղակից մյուսը՝ անցնում է ճանապարհը, գնդակը թողնում եզրագծի կանգնակի մոտ և վերադառնում: Հաջորդ սովորողը նույնպես ցատկելով հասնում է գնդակին և վերադարձնելով այն ՝փոխանցում ընկերոջը: Եզրագիծը հատելուց հետո վերադառնում են վազելով:
Խաղ 2․ Գլուխկոնծի + անցում օղակի միջով
Մասնակիցները կանգնում են իրար հետևից։ Մասնակիցներից 5մ հեռավորության վրա դրվում է մարզական սպունգ, իսկ սպունգից 2մ հեռավորության վրա՝ օղակ։ Առաջին մասնակիցը վազքով հասնում է մարզական սպունգին, գլուխկոնծի տալիս, անցնում օղակի միջով և վազքով հետ վերադառնում՝ մեկնարկը փոխանցելով հաջորդ մասնակցին։
Խաղ 3․ Փուչիկացատկ
Մասնակիցները, փուչիկը ոտքերով պահած, ցատկելով շրջանցում են բուլավան, փուչիկը ձեռքում պահած՝ վազելով վերադառնում և փոխանցում են ընկերոջը։
Անհրաժեշտ գույք` գնդակներ, փուչիկներ, մարզական սպունգ, օղակ։
Ալլա Անդրեասյան 