Օրը՝ սեպտեմբերի 30
Վայրը՝ «Մխիթար Սեբաստացի» կրթահամալիրի ուսումնական Ագարակ
Ժամը՝ 10:00-11:00: Հասցեն՝ Երևան, Ա.Բաբաջանյան 38/1, ղեկավար՝ Էդմոն Փաշինյան:
- 10:00-11:00- Ծիսական արարողություն՝ «Լավաշթխիկ»․
«Հակաբացիլ Կոմիտաս» երգերի, պարերգերի ուսուցում
Նկարագրություն
Նախապես թեժացնում ենք թոնիրը «Ջաղաց» ազգային երգով, և հացթխիկի մասնակիցները «Քուրիկ զալուլ կմաղե» երգ-բեմադրությամբ շուրջպար են բռնում և մաղում ալյուրը, հունցում խմորը՝ սպասելով մինչև խմորի հանգստանալուն։ Ապա «Գունդ անեմ» երգի ուղեցությամբ գնդում ենք խմորը, գրտնակում, բատատին փռում և խփում թոնրի շրթին, ու…տարածվում է անուշ լավաշի բույրը: Իսկ այդ ընթացքում հացթխիկի երգերը չեն դադարում հնչել։ Սկսվում է լավաշագովք-լավաշուտոցին։ Ապա թխած լավաշները գովելով՝ երգուխաղով համտեսում են պանրով ու կանաչիով։
Միասնական «Հակաբացիլ Կոմիտաս» երգերի, պարերգերի ուսուցում:
Մասնակիցներ՝
- Արևմտյան դպրոցի 5 տարեկաններ և ընկերներ
Օրհնանքներ
- Դռներդ միշտ բաց լինի, տաշտներդ միշտ հաց լինի:
- Աստված մեկդ հազար անի:
- Առատ տարի, բերքը՝ բարի:
- Մեկ ցանես, հազար հնձես:
Երգարան
- Հաց թխելու խաղերգեր
- Հաց թխելու երգեր. տեքստեր
Ագարակի ծիսական ուտեստներ`
- Լոշիկ, պանիր,կանաչի, գազար, կաղամբ, խնձոր:
Պատասխանատուներ`
Անի Գրիգորյան, Ալվարդ Անդրեասյան, երաժշտության դաստիարակ` Սեդա Թևանյան